ГIаръяьллачу теннисах ловзархочо Шарапова Марияс даре дина ша спортхошна дихкина мелдоний олу молха мелла хилар. И бахьана долуш иза чекх ца яьлла доппинг тестах. Шараповас дийцарехь, шен могашалла тояр Iалашонца и молха цо моьлуш хилла кху тIаьхьарчу 10 шарахь.
Зазадокхху-беттан 7-чу дийнахь Лос-Анджелесехь зорбан конференцехь Шараповас элира мелдоний 2016-шо доладелчхьана дихкина хилар цахаара шена аьлла.
Делахь а, хилларг бахьана долуш цуьнца кхочуш еш хилла контракташ совцийна дуьненна а евзаш йолчу спортан духар духкучу NIKE фирмо а, Швейцарера Tag Heuer (ТАГ ХIойер) цIе йолчу компанино а, ткъа иштта немцойн Porsche (Порш) компанино а. Шарапова Мария къийсадаларшна юкъарайоккхуш ю кху беттан 12-чу дийнахь дуьйна.
