ТIекхочийла долу линкаш

ЦIеххьана кхаьчна хаам!

Элдиева Марет. Дитташа шабарш до...


Гуьйре Нохчийчохь, 2015
Гуьйре Нохчийчохь, 2015

Дитташа шабарш до: «Елха ма елха».

Оьмаро чехайо: «Iодика ехьа».

Син мерзаш дуткъделла лазамна лелха,

Дуьненан йистехь со цхьаъ- цхьалха еха.

Ойла сан дIауьду, мIаьргонаш хьоьстуш,

Къиноша са лоьцу синтеман бертаза;

ГIура ю-те езачийн дегнаш а цоьстуш,

Безачийн ойланаш даггара хьестаза,

Даймехкан хазаллах цецйийлла яланза,

ГIа-патарш, аренаш, хIаваъ а дуьтуш,

Бераллин туьйранах хаза дош аланза,

ГIура ю-те, ца яьлла, яха ца лууш…..

Хир ю-те ийманах, собарах йоьхна,

Сица мел къийлинарг доIанашца доьхуш,

ГIенашна, уьйрашна мокха чурт доьгIна,

Сайна суо ца евзаш, сайн лераш лоьхуш?

Дитташа шабарш до: « Елха ма елха.»

ДогIано со хьоьсту: « Йоха ма йоха.»

Оьмаро чехайо: « Iодика ехьа.»

ДоIанаша сецайо: « ХIинццехь ма гIохьа.»

XS
SM
MD
LG