Нохчийчохь Ведан кIоштарчу суьдо, 8 шо хан а тоьхна, чувоьллина меттигера вахархо Исрапилов Ахьмад. Иза бехке вина тIеман тоба кхолла гIортарна. Исрапилов лаьцнера Iедалша стохка Гезгмашин баттахь ЦIе Веданахь, Туркойн пачхьалкхехь тIемалошна гIо а дина, цIахь тIеман тобан вовшахтоха дагахь хилла аьлла. Цул сов цунна бехке лаьрра 2002-чу шарахь дуьйна шен цIахь Ф-1 олу граната латтийна хилар.
