Ца хеддаш луьра тIемаш лаьтта Шемарчу Алеппохь. Iедалан ницкъаш гIалин малбалера агIо дIаяккха гIерта гIаттамхошкара. Iедалан хьостанаша дуьйцу, Асадан ницкъийн аьтто баьлла Алеппон дакъа карадеорзо, бохуш.
КIиранах бомбанашна, ракеташна кIел бисинчу гIалин бахархойх 237 стаг, шайлахь 40 гергга бер а долуш, велла, хаамбо Шемарчу бакъоларъярхоша. Цхьанатоьхначу Штаташа а, Оьрсийчоьно а тIемаш совцорах бина барт бац лелаш кIира хьалха гуманитаран ковранна тIе авиатохар дар бахьана долуш. Iаьмерко бехкедо Оьрсийчоьнан кеманаш. Кремль кIера ца хилла.
