Трамп Доналд президент харжарна дуьхьал акцеш дIахьочу меттигех ларло аьлла, кхайкхам бина Туркойчоьнан Iедалша Iамерке баханчу шайн махкахошка.
Трампан цIе йоккхуш яцахь а, цун кхайкхамехь дуьйцуш ду Цхьаьнатоьхначу Штаташкахь Лахьан-беттан 8-чу дийнахь президентан харжамаш хиллачул тIаьхьа къепедацарш дуьйладелла аьлла. Цунах лаьцна хаам бо Iамеркин CNN телеканало.
Туркойчоьнан арахьарчу гIуллакхийн министраллана хетарехь, «Iамеркин Цхьаьнатоьхначу Штаташкахь алсамъевлла расизмаца а, кеснофобица а йоьзна инциденташ».
