ТIекхочийла долу линкаш

ЦIеххьана кхаьчна хаам!

Айдамиров Абузар. Со волччохь



Айдамиров Абузар
СО ВОЛЧЧОХЬ…


Цхьаъ-цхьалха хьуо йисча, хьайн шерийн сонехь,
Суьйренан йозалло логашад лаьцна…
Сох тешна цхьа ойла тlам шера йиснехь,
Хьоь тийса са долчу -
Со волччу йола!

Хилладерг — хилла ду, цамоьттург — хилла,
И сийна стигланаш бахьанех йозу.
Гlад-амал карчале лааман тхишла,
Хьуо хьеста суй болчу -
Со волччохь хала!
Массара лоьху ирс хьо лехна яьлча,
Массо а кхочучу гlайгlане кхаьчча…
Дуткъделла са дахьаш схьайола сихха:
Хьайх хиета къа долчу -
Со волччохь елха!

Оьмаран терахьаш жамlашна къарлуш,
Даг тlера дужуш ду бlаьстенан зезаг…
Дегаза дахаран бlаьра ца хьоьжуш, -
Хьуо декъалъян луъчу -
Со волччохь яха!

XS
SM
MD
LG