Францин президенто Олланд Франсуас емал йина Оьрсийчоь, Цхьаьнакхеттачу Къаьмнийн Вовшахтохараллан Кхерамазаллин Кхеташонехь Шемах лаьцна резолюци тIе ца эцийтарна. Францин лидеро дийцарехь, Москох дуьхьал яьлла Шемара конфликт дIаерзорна.
Оьрсийчоьно а, Китайно а оршотан дийнахь дуьхьал кхаж тесна Шемах йоьзначу Цхьаьнакхеттачу Къаьмнийн Вовшахтохараллан Кхерамазаллин Кхеташоно кечйинчу резолюцина. Цу документаца а догIуш, Алеппохь 7 денна лерина машар хIотто безаш бара.
Оьрсийчоьнан векло дIахьедар дина, цу тайпа ханна герзаш деттар сацор, пайденна хир дара Асадана дуьхьал тIом бечу тобанаша аьлла.
2011-чу шарахь дуьйна Оьрсийчоьно йолхазза вето кхайкхийна Шемахь тIом сацор Iалашонца Кхерамазаллин Кхеташоно кечйинчу резолюцешна. Китайно изза дина пхоьазза.
