Дахначу шоьтан, кIирандийнан полисхошца хиллачу тIеман кхийсаршкахь дакъалаьцначу гIаттамхойн цIераш Iораяьхна. Уьш бу Старопромыслан кIоштахь байина Мажаев ИбрахIим, Мамаев Хаматхан, Мамаев Истамул, Акрашев Ахьмад. Шоьтан буса вийна Исмаилов Сайд-ИбрахIим оцу тобан куьйгаллехь хилла лору.
Шина дийнахь вийнарг 7 тIемало ву, лаьцна 4, царех 3 чевнашца ву. Иштта вийна тIеман тасадаларшкахь 4 полисхо, цхьаъ лазийна.
Инстаграмерчу шен агIонтIехь Кадыров Рамзана Соьлж-ГIалахь лерина операци йирзина хилар а хоуьйтуш, баркалла кхайкхийна операцехь дакъалаьцначу чоьхьарчу гIуллакхийн министраллан белхалошна.
