Мукъаденошкахь Соьлж-ГIалахь тIелатар динчийн гергарнаш лецнера полисхоша. Царех цхьаберш мукъабаьхна, дукхахберш хIинца а Iедалан карахь бу. Байинчу гIаттамхойн декъий дIадохкийта пурба а ца делла мехкан куьйгалло. И хаам Iорабаьккхина чоьхьарчу гIуллакхийн министраллин векало.
ГIаттамхойн гергарнаш полицино дIалецна хилар чIагIдина махкарчу бакъонашларъярхочо Саратова Хедас а. Меттигерчу бахархоша даредарца, байинчийн гергарнаш дIалецна ца Iаш, йийсаре эцна беллачаьрца уьйрашкахь-зIенашкахь хилла бевза-безарш а.
4 шо хьалха Нохчийчоьнан Динан урхалло сацам тIеэцна, тIематасадаларшкахь дакъалаьцна гIаттамхой Исламо ма хьоьхху, кешнашкахь дIабохкар доьхкуш.
