Нохчийчуьрчу Прокуратурано дIахьедина, Шелковск кIоштарчу Червленнерчу школехь 5-чу классерчу дешархочунна гIаж тоьхна, чов йинчу историн хьехархочунна Вахабова Мадинина дуьхьал бехктакхаме гIуллакх айдина хиларх. КIентан нанас тергоечу хьукмате латкъам бинчул тIаьхьа гIарадаьлла и гIуллакх. Карарчу хенахь кхачо йоллуш талламаш бу дIахьош оцу хиламан хьокъехь.
Дуккха а хан ю Вахабовас хьехархочун болх бен. 2007-чу шарахь махкахь дIаяьхьначу «Шеран хьехархо» конкурсехь толам а баьккхинера цо.
