ТIекхочийла долу линкаш

ЦIеххьана кхаьчна хаам!

ХIара шо дола ма делли йоллу Оьрсийчохь тIетоьхна коммуналан хьаштех мах.

please wait

No media source currently available

0:00 0:04:03 0:00
Линкана тIе

Оьрсийчоьнан низмашца, инфляцига хьаьжжина лакхабоккхуш бу коммуналан хьаштех лучу ахчанан барам.

Цундела, Керлачу шеран, эха батте дахделла даздаршна тIаьххье догIу, ойла ян а, корта лаза а денош.

Царех ду коммуналан хьаштех тIебеттало мах. Шо шаре мел долу, такха ца ло гIуда санна, тIедужу иза могIарерачу бахархошна.

Кху шарахь билгалбаьккхина тIекхеттачу механ зил. Иза юккъерачу барамехь 4 процентал а сов яла декхар дац. Иза бохург ду, 8 проценте кхаччалц лакхабала а магар.

Уггаре а кIезгиг и мах тIекхетта регионаш а билгалъяхна. ХIирийчоь а, Дагестан а.

Москох, масала 7 процент хир ю. Тахана хIоттина елахь а, дIакхайкхина яц Нохчийчоьнан тариф мел тIетоьхна. Иза билгал ца элира РКЦ олучу урхаллехь а.

Цундела юккъерачу барамехь 4 процент аьлла хаам бира Маршо радиога цигара белхахочо.

РКЦ-н белхахо: «Цкъачунна тIетоьхна дац. Лакхабала безаш-м бу цуьнан мах, амма комитето схьадаийтина дац тхоьга мехаш. 4 процент тIетохахьа, айхьа лучунна».

ХIора шарахь иштта мах тIекхеташ хиларх дIабоьлла бахархой. Ца делча девр дац, амма дог реза а долуш луш-м дац шаьш аьлла Маршо радиога дийцира къена яхархочо Абдулаева Сацитас.

Абдулаева: «Тхо, пенсионераш, дайа а дайина тIетоха деза-кх коммуналан ахча. Иза тIетоха ца дезара, иза охьадаккха дезара. Дуьне ма ду хIара, бIаьрг дIакъевличхьана, дIадер долуш».

Коммуналан хьаштех ахча дIадала дезаш хилар къуьйсуш а дац бахархоша. Кхета низамехь дерг ца дича долуш доцийла, ткъа, иза дIалуш хилча, цунна дуьхьал шен барамехь болх ца бо коммуналан урхаллаша, аьлла дуьйцу Абдулаева Сацитас.

Абдулаева: «Дукъа хан йоццуш канализаци юкъелла, ша ерриг чуоьхуш яра тхуна. КIира ца кхоччуш хан елира, иза тоян ца богIуш. Веънарг а веза а веш вара, тхан бехкенна иза хилча санна».

Ша чохь ехачу петарийн цIа чохь, цхьанна а тайпана дахаран хьелаш тодина дац боху яхархочо Абдулаева Сацитас. Ур-аттал, тоькан серий а ду, гезгамаша санна, наха шаьш дIатийсина, аьлла дийцира цо.

Абдулаева: «Тоькан серешка хьажа аьлла, кхайкхина монтер валийнера ас. Арахь ток чохь йолчу беттан неI схьайоьллушехь ток тоьхнера цунна. Куьг дIаIотта йиш йолуш а яц цхьа а хIума а, ток етташ. Тхан хIусам санна декъаза цIа суна схьахетарехь кху гIалахь а хира дац».

Кху шарахь коммуналан мах башха дукха тIекхетта а бац аьлла, дозаллийца дуьйцу Оьрсийчоьнан Iедалан векалша.

Цуьнан барам инфляцел а кIезиг лакхабаьккхина бохуш, дIахьедарш до цара.

Амма цхьаъ ду бакъ, шо шаре ирахъоьху коммуналан мехаш.

Хьомсара “Маршо Радион”доттагIий, шун аьтто бу тхан Facebook-ерчу аккаунтах пайда а оьцуш, тхан дискуссехь дакъалаца. Шун комменташна модераци ян эшарна, уьш сайтехь жимма тIаьхьо гучуевр ю. Нагахь санна тхоьга яийта шайн видео а, аудио а материалаш елахь, шун аьтто бу иза кху телефонца WhatsApp-e я Viber-e схьатаса: 420 724 019832

XS
SM
MD
LG