ГIуран-беттан 17-18-чу деношкахь полицица лилхинчу тIематасадаларшкахь беллачийн гергарнаш еххачу хенахь полицин декъехь лецна латтийра, зуьйш, лебеш, толлуш.
Низамашка диллича, цхьана а хIуманна бехкебоцу оцу тIелатаршкахь беллачийн нах полицин декъахь латточу муьрехь, муфитиято а, юкъаралло а гуламаш дIабаьхьира уьш бехачу ярташкахь, гIаланашкахь.
Цара кхайкхамбира бахархошка, зуламхойн гергарнаш, тайп-тукхамера нах махкахбахаре.
Кхаарийдийнахь Iедалан бIаьрг тIе хIоьттина, юкъаберзийна 2006-чу шарахь дIакхелхинчу тIемалойн хьалханчан Мускиев Iийсанан гергара нах.
Мехкан куьйгалхочо Кадыров Рамзана дийцарехь, веллачу Мускиевн гергарнаш махкахь юха а цIий Iано кечамбеш хилла.
Шуна хIун аьлла хета, бехк буй ден-ненан доьзалхо церан лаамера ваьлча?
КIантера, йоIера вониг даьлча, такха дезий таIзар церан гергарчара а, тайпа-тукхамо а?
“Маршо Радион” доттагIий, шун аьтто бу тхан Facebook-ерчу аккаунтах пайда а оьцуш, тхан дискуссехь дакъалаца. Шун комменташна модераци ян эшарна, уьш сайтехь жимма тIаьхьо гучуевр ю. Нагахь санна тхоьга яийта шайн видео а, аудио а материалаш елахь, шун аьтто бу иза кху телефонца WhatsApp-e я Viber-e схьаяийта: 420 724 019832