Дахначу шеран аьхка Каляпин Игор коьртехь волчу «Iазапна дуьхьалояран комитетна» тIелатар динчу хенахь, белхахоша полисхошка орца доьхуш телефонаш дIаеттарх, жоп цадаларна уьш бехкебеш, Талламан комитете арз динера бакъоларъярхоша. ЯлхолгIа а талламчаша дуьхьало йина бехктакхаман гIуллакх царна дуьхьал даккхарехь.
Бакъоларъярхойн комитетан сайтехь бина и хаам. Стохка «Iазапна дуьхьалояран комитетна» динчу тIелатарехь, бовзаза бисинчара доллу кехаташ хIаллакдира, машен йохийра, белхан гIирсаш а этира. Шайга тIелатарх хаам бинехь а, ши сахьт даьллачул тIаьхьа бен ца кхаьчнера полици.
Бекхатакхаман гIуллакх дуьхьал ца айдаран бахьанаш лору Талламан комитето: полисхой шайн тароне хьажжина офисе кхьачна хиларна.
ТIелатар динарш, муьлш бу хаа тарлуш дац аьлла, кху муьрехь сацийна ду "Iазапна дуьхьалояран комитетан" гIуллакх.
