Туркойн Iедалша кхин шиъ стаг лецна Туркойчохь Оьрсийчоьнан векал хилла Карлов Андрей верна. Лецначех цхьаъ полисхо ву. ХIонкаран кхело шеконехь волу и ши стаг лаца омрадира дечкен-беттан 19-чу дийнахь. Лецна полисхочун цIе Серкан Басер ю, ткъа шолгIаниг Эрнес Асим Силин цIе йолу йохкархо ву.
Кхин а шина шеконехь волчу стагана омра дина таллам дIахьочу юкъана гIалара ара ма вала, аьлла.
