Чабаев Лоьма. Юхаъ со кху лаьтта...

Embed share

Чабаев Лоьма. Юхаъ со кху лаьтта

гIирс: Маршо Радио

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:15 0:00

Линкана тIе

• 64 kbps | MP3

Плеер

Бетельгириев

Хьусайнна.

Юхаъ со кху лаьтта чов яхьаш воьсси,

…Хьовсийша, вайн дуьне бордаха деца!

Iаьржаниг лоькхуш го шайтIанан левси.

Цхьа а вац кху мехкан доьхна дог эца.

Ткъа КIайниг эвххьаза зуьдах тардина –

Шершад шех бинчунна доьлийца иза!

ХIун де ас иллешца доьлхучу синна,

Хилча и ца лууш гаттонехь хьийза?

ПIелгаш тIехь салоташ дохучийн махка

Маликаш кхайкхарх а хьаьгаш дац дисса,

Готтачу лахьтанах даймохк бу бахарх,

Хир ма бац, мостагIий, эрна ма къийса!

Со вожош, сан лаьмнаш, хезарий щуна?

Къурд аьлла-м вац шуна кегдарх а пIендарш.

Ца хийша чIагIо ю чалтачийн шуьне,

Белхор бу ца къарлуш маршонна пондар.

Iаьржаниг лоькхуш го шайтIанан левси.

Ткъа КIайниг эвххьаза зуьдах тардина.

Тахана ас шуьца сайн илли къевси,

Ткъа кхана кхин вогIур шаьлта ирдина.