Оьрсийчоьнан могушаллин министералло хааме даьхна демографин хьокъехь керла терахьаш. Уггар дукха бераш дуьненна тIе девллачу пхиъ регионах кхо регион Къилбаседа Кавказехь ю, хоуьйту "Газета.Ру". Цу министераллин хаамца, уггар дукха бераш дина Ямало-Ненецан автономин областехь. Цул тIаьхьа йогIуш ю Дагестан, Тува, ГIалгIайчоь, Нохчийчоь, ткъа уггар дукха "нах" лечех ю Пскован област.
Могушаллин министералло билгалдоккху, нах баларш тIаьхьарчу хенахь жимма лахделлехь а, бераш дарца доьзна хьал Оьрсийчохь жимма бен тоделла ца хилар. Таханлерчу дийнахь Оьрсийчохь демографехь кхолладеллачу хьолан бахьанехь 2025-чу шарахь 20 шо хета зударий 2010-чу шарахь хиллачул 1,6-за кIеззигах хир бу.
