Сийлаллин ламасташца дIавоьллина Шелахь тIематасадаларехь кIиранан буса велла ши полисхо – гермачигхо Муслимхаджиев Iела а, сиржаэвлахо Ахаджиев ИсмаьIал а. Шиннах а бисинчу доьзалшна цхьацца миллион сом делла Кадыров Ахьмадан Фондера, хаамбина мехкан полицин урхалло.
Ткъа вийначу кхаа тIемалочун - Мукаев Юнусан, Даргаев Сидекъан, Эмедиев Бештон - декъеш дIадоьхкина цIейоцчу меттеге – иза къайлаяьхьина ю гергарчарех, боху Нохчийчоьнан чоьхьарчу гIуллакхийн министралло.
Махкахбаьхна кхаа тIемалочун доьзалш а, дIахедийна царна Iедало кхачош хилла социалан гIоленаш а, хаамбо Шеларчу бахархоша.
