73 шо даьлла и ирча бала нохчашна а, кхечу Советан Пачхьалкъхехь дехаш хиллачу жимачу къаьмнашна а тIебеана. Оццул дукха хан яьллехь а шайн исторехь хиллачу Ιовжамах дегнаш дассадаланза деха дуккха а адам. Цуьнца доьзна ду тхан хаттар.
Нохчийн къам махкахдаккхар дагалаца оьший Нохчийчохь?
Советан Ιедало 1944 шарахь Чиллан-беттан 23-чу дийнахь вайнах бохийна де билгалдоккхуш нохчийн а, царех доглозучу бухарчу кхечу къаьмнийн векалийн а гуламаш бу дIахьура болуш бу Парижехь, Лондонехь, Варшавехь, Мюнхенехь, Венехь, Ослохь, Амманехь, Истамбулехь, иштта цхьамогΙа кхечу а гIаланашкахь. Оьрсийчохь и де даздеш ду Даймохк ларбархочуьнан де санна.