WFCA-н (World Fighting Championship Akhmat) ийначу кепийн латарехула 34-гIа турнир хилла Шоьтан дийнахь Москох. Цуьнан жамIашна реза хилла Нохчийчоьнан куьйгалхо Кадыров Рамзан.
Москохара «Москох буьрса латар» цIе йолу турнир вуно кхиаме хилира аьлла яздина цо шен Инстаграмерчу агIон тIехь.
Кадыровс бинчу хаамца, Москох турнирехь шийтта латарехь "Ахмат" клубан векалш 7-зза тоьлла, ткъа цхьа латар тоьлларг воцуш дирзина.
