59 шо кхаьчна журналист, бакъоларъярхо Эстемирова Наташа йина. Итт шарахь бакъоларъечу «Мемориал» юкъараллехь болх бира цо ша яда а йина, 2009-чу шеран аьхка еле.
Эстемироваца даима а Iиттабелла бара Нохчийчуьра Iедалан буьйранчаш, эскарийн куьйгалхой цо цаьргара дуьйлу гIалаташ, зуламаш кест-кеста Iорадохуш хиларна.
Массех верси яра иза еран, амма цкъачунна теллина даьлла дац дов.
Эстемирова йинчу а, йийначу а деношкахь Оьрсийчохь а, Европерчу шахьаршкахь а дагалацаран барамаш хIуьтту. Ткъа Нохчийчохь бихкина бацахь а, ца хIиттабо и тайпа барамаш.
