"Чеченнефтехимпромо" а, Китайрчу СРТSA компанино а еххачу ханна цхьана къахьега бертан куьйгаш яздина еарийдийнахь. Церан Iалашо ю геологоталламан белхаш бан а, Нохчийчохь мехкадаьтта долу меттигаш билгалъяха а.
Куьйгаш яздинчул тIаьхьа, сацам бина шина агIоно нефть даккхаран корматаллан урхалла кхолла а, мел а сихонца мехкадаьтта лахаран белхаш болорхьама, тIейогIучу хенахь кхиаме хилийта химин, мехкадаьттан индустри аьлла, дIахьедина Китайн СРТSA компанин куьйгалхочо Пилонг Лис.
