Йоккхачу машенахь кира эцна воьду Нохчийчура пенсионер сацийна хилла Аштаркхнин кIоштахь. Цхьацца сурсаташ эцна Казахстане воьдуш хилла иза. Шегара копуста Iедалша кхайкхийначу санкцешна кIеллахь ю аьлла дозанхой дуьхьал бевлча, кхаанна ахча а делла, дIаваха гIоьртина пенсионер, хаам бо Астрахан24.ru сайто.
Нохчочо дозанхошка кховдийнарг хилла 10 000 сом. Амма кхелехь дохковаьлла иза ша динчунна. Эххаре а нохчийн пенсионерана гIуда тоьхна 12 000 сом. Ткъа цо кхаъ луш кховдийна ахча Iедалан доладаьккхина суьдо.