Оьрсийчоьнан президенто Путин Владимира интернетехь анониман цIе лелор а доьхкуш, хаамийн хьастех терайогIу сервисаш низаме ялорах омра арахецна.
Ах шо хан къастийна Iедална зорбанан а, электронан а хаамийн гIирсаш цхьана бакъонашка яха.
Иштта, омрано некъ боьхку «жоьпалла а, таIзар а доцуш», нахана социалан машанашкахь анонимехула интернетах пайдаэца.
ГIадужу беттан 1-ра де тIекхачале Iедалхой декхаребо омрано Оьрсийчоьнан хьукматийн куьйгалхой Iедалан информаци шифрашца Iалашъян а, кибератакех а, интернетехула хуьлучу кхечу зенах а пачхьалкхан инфраструктураш кIелхьарайоху система кхолла а.