Оьрсийн цхьа могIа сайташ а, социалан машанаш а дIакъовларна Украинан президент Лукашенко Петр кхеле велла оцу пачхьалкхерачу бакъонашларъярхочо, юриста Лихачев Романа.
Фейсбукерчу шен агIонтIехь яздина Лихачевс президенто хIоттийна блок къилба Корейхь политикехь лелочуьнца а дустуш, "низамашца догIуш доцуш, адамийн бакъонаш хьашар" а, адамийн маршонна догIа тохар а ду аьлла.
Кху дношкахь дуьненаюкъарчу Human Rights Watch бакъонашларъяран организацино Украинан президентна тIедожийнера оьрсийн интернет-ресурсашна ша хIоттийна блок дIаяккхар а, адамийн дешан маьршо ца хьешар а.
Дахначу шинарийдийнахь Украинан президента дIаяхйина Оьрсийчоьнна тоьхна санкцеш, шайн махка бахкар дихкиначеран тептар кхи а шордеш. Оцу юкъа яхана "ВКонтакте", "Одноклассники" социалан машанаш а, "Яндекс", Mail.Ru Group сервисаш а, РБК-н сайт а.
Порошенкос бахарехь, Оьрсийчоьнан пропагандан коьрта гIирсаш бу уьш.
