Ингалсан махкахь Манчестерехь концертан аренехь эккхийтар динарг Iожалхо ву. Цо динчу зуламехь вийна 22 стаг, царна юкъахь бераш а ду. Чевнаш йина ву 59 стаг.
Эккхар хилла Iамеркан поп-седа Гранде Ариана концерт елла яьллачул тIаьхьа. Хьовсархой боьхна дIасахьевдда хилла кевнашка.
Цу кхерамерчу кIотара арабаьхна берриг нах. ЦIерпошташ лелар сацийна ду.
Британин премьер-министро Мэй Терезас кадам бина кхелхинчу нехан гергарчарга. Манчестерехь бохам хиларна Мэйс куьйгалла дечу Консерваторийн партино а, кхечу политикан партеш а сацийна харжамийн компани дIаяхьар.
Грандес концерт луш хилла Manchester Arena уггаре а йоккха чоь ю Европехь. Цунна чутарло 20 эзар сов стаг. Теракт хуьлуш иза ериг а юьзна хилла.
