ТIекхочийла долу линкаш

Нохчийн халкъан артисткан, хьовсархошна даимна а дагахь йисинчу "Бож-Iела" спекталехь Бож-Iелин хIусамненан коьрта васт гайтиначу Багалова Зулайн йина де ду тахана.

Цо ловзийначарех уггар а бIаьрлачех васташ ду Гамзатовн Асетан, Бадуевн Бусанин, Хамидовн Совдатан, иштта масанне кхи а дуккха а.

Тахана а театрехь болх беш, искусствон дахарехь жигараллица схьайогIу Багалова Зулай. Вайн махкахь цуьнан цIе ца евзаш, цо дакъалаьцна спектакль ганза, цуьнах дозалла ца деш стаг хиллане а хир вац.

Нохчийн халкъан артистка Багалова Зулай
Нохчийн халкъан артистка Багалова Зулай

Амма хир бу Зулайн дог-ойланна тIе ца кхиинарш, цуьнан дуьнене хьежамаш муха хилла ца хуурш, тахана Зулайн дахар муьлхачу басаршкахь ду хаа луурш а.

Маршо Радионо, йинчу денца декъал а еш нохчийн халкъан тоьллачех актриса, дийцийтира театре бинчу, хIуммаъ а шера ца хиллачу некъах, адамашца цуьнан хиллачу юкъаметтигех.

Иштта дийцира Зулайс, шен дахарехь уггар а доьхна деанчу дийнах, шена чохь даимна а биссинчу дагахьбалламех а.

Шуна хетарг

Гайта комментареш

XS
SM
MD
LG