Германерчу Кам гIалахь (Бавари) мухIажирийн юкъарчу Iойлашкахь 5 шо кхаьчна кIант вийна, цуьнан нана лазийна ОвхIанистанерчу мигранто.
Дийна бер а, нана а Оьрсийчуьра ду, хаамбина Баварин радионо Bayerische Rundfunk).
Радионо дийцарехь, беранна, схьа а лаьцна, урс Iоьттина тховкIело йоьхуш Германе веъначу оцу стага, тIаккха нана лазийна, еза чов а еш. Кхайкхинчу полицино герз тоьхна вийна нанна а, беранна а тIелеттарг, яздо Spiegel газето.
Цкъачунна хууш дац Оьрсийчуьрчу муьлхачу къомах ду дийна бер а, лазийна нана а.
