Оьрсийн политик, оппозиционер Немцов Борис веран хьокъехь йолиначу кхелан дийцарш дирзи еарийдийнахь. Киллер ву бохучу Дадаев Зауран адвоката Каверзин Марка шена хетарг элира кхелан кхеташонехь.
Къамел дерзош, адвоката дехна кхеле, Дадаевс Немцов вуьйш тоьшаллаш цахилар юьхьар а эций, маьршаваккхар иза.
РогIерачу суьдхойн цхьанакхетарехь процессан декъашхойн таро хир ю шаьш резадоцург довзийта, бехкевечо эр ду шен тIаьххьара дош.
