Полшин чоьхьарчу кхерамзаллан агенталло лаьцначу Нохчийчуьрчу вахархочун А. Кюрин (Полшин низамашца фамили йовзуьйтуш яц) гIуллакх прокуратурано кхеле дIахьажийна. Иза бехкево "Исламан пачхьалкх" шайх олучу тобанан агIо лацарна. Полшин зорбанаша бина и хаам.
Чоьхьарчу кхерамзаллан агенталлан материалаш тIехь дуьйцу, и стаг Шемарчу тIамехь дакъа лаьцна хиларх. Иштта хоуьйтуш ду, бехкевечуьнгахь герз хиллийла а.
Прокуратурано бехкево Нохчийчуьра вахархо 2013-чу шарера 2014 шо чекхдаллалц йолчу хенахь цуьнгара дийлинчунна. Полшин Iедало бахарехь, 6 баттера 8 шаре кхаччалца хан йогIу цунна.
Кху шеран Зазадокхучу-баттахь дуьйна лаьцна ву Кюри
