ТIекхочийла долу линкаш

ЦIеххьана кхаьчна хаам!

please wait

No media source currently available

0:00 0:04:21 0:00
Линкана тIе


Дуьненаюкъарчу мухIажарийн дийнахь Цхьаьнакхеттачу къаьмнийн юкъаралло зорбане даьхна керла терахьаш, кху лаьттахь даханчу 2016-чу шарахь мас мухIажар ву бохучух. Цкъа а ца хиллачу кепара лакхара ду уьш – 65 миллион 600 эзар стаг. И бохург ду, цул хьалхарчу шарахь чул а 300 эзар стаг алсам ваьлла, шайн мохк а, ков-керт а дитадезначарна юккъехь.

Мангал беттан 20-чохь билгалдоккхучу мухIажарийн денна лерина хIора шарахь рапорт арахоьцучу Цхьаьнакхеттачу къаьмнийн юкъараллин мухIажарийн гIуллакхех йолчу урхалло билгалдаьккхина, карарчу хенахь дуьненчохь хIора а 113-гIа стаг мухIажар ву, аьлла. Ткъа и нах цхьаьна багарбича, Британин бахархойн терахьал алсамох ду дуьненчохь карарчу хенахь боьхна лелачу мухIажарийн терахь аьлла билгалдаьккхина ду рапортехь.

хIора минот 20 стаг шен хIусам охьа а тесна, тховкIело лаха араволу

„И бохург ду, юкъарчу хьесапехь даханчу шарахь хIора минот 20 стаг шен хIусам охьа а тесна, тховкIело лаха араволу бохург. Ткъа хIора секондехь – кхо стаг“, - иштта яздо рапортан авторша.

Цу нахах доккхах долу дакъа шаьш бехачу пачхьалкхашкахь „чоьхьара мухIажарш“ хилла лелаш бу, аьлча а, шайн мехкан цхьана кIоштара вукху кIошта а юьдуш.

Уггаре а алсамох мухIажарш Шемара бу – цигара ведда пхиъ ах миллион стаг ву. Цул тIаьхьа йогIуш Къилба Судан ю – цигахь тIеман тийсадаларш марсадовлар бахьана долуш даханчу шарахь 800 эзар стаг ведда.

ОвхIан а, Украина а, Оьрсийчоь а ю дукха мухIажарш бовлучу мехкашна юккъехь. Нагахь санна Украинера тIом бахьана долуш нах махках бийлахь, Оьрсийчуьра Малхбузе оьхурш доккхачу декъехь нохчи бу. Ши некъ бен бац царна Европе кхача – я дуккхаъ ахчанаш а луш, векалташка некъашна харжаш а еш, виза а яьккхина, - нагахь санна шайна иза лахь, - новкъабовлар, я Беларусехула Польше а баьхкина, цигара кхин а Европин кхечу мехкашка дIасабаржар.

хазахета шен мохк битина цхьа а ара а вер вац

И ший а некъ яккхийчу халонашца боьзна бу, чакхенгахь шаьш Европехь тIелоций я цIехьа хьаждой а ца хууш вайнаха юхьарлоцуш. ХIетте а лах ца ло Нохчийчуьра дIаюьхучу мухIажарийн терахь. ХIунда бохучу хаттарна шена хетарг дийцира немцойн Коьлн гIалахь мухIажаршца болх беш волчу Шишханов Олхазара.

Шишханов Олхазар: „Цкъа делахь, шен Даймохк бита атта дац, хазахета шен мохк битина цхьа а ара а вер вац. Ткъа шозлагIа делахь, нохчий мухIажарш бийла бахьанаш вай тергалдича, уьш дукха ду. Иза тIом а бу, иза мацалла а ю, иза шен дийне вала стеган таро ца хилар ю, иза нехан могашаллаш ца хилар а, дарбанаш дан аьттонаш ца хилар а ду.

Кхерамазалла ю бохуш массанхьа а дIакхайкхош ду, амма ахь раз ши дош алахь ца хууш, ларамаза хадон ца безачу стеган ахь некъ хадабахь, иза тоьуш ду-кх и стаг а, цуьнан доьзал а сийсаз бан а, царна таIзарш дан а“.

Дуьненан футболан чемпионат шайн цIахь дIахьош хиларе терра, Оьрсийчоьнан бахархоша сагатдо мехкан футболна. Шу дуй оцу декъах?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG