Шен ницкъашна герга деана чохь пилот воцу Шемарчу Iедалан ницкъийн кема чудожийна Атлантикан альянсо Шемахь шинарийдийнахь.
ТIеман хьелашкахь лела Shaheed 129 кема чудаийтина Iамеркан F-15E Strike Eagle кемано, хаамбина коалицин куьйгалло.
КIира хьалха оцу меттехь чудожийра Iамеркахоша кхин цхьа чохь пилот воцу Шемин кема а.
ХIетахь и хьалхара кема чудожийча Оьрсийчоьнан тIеман министралло дIахьединера, ша стигалахь тур латтор ю Асадан ницкъашкарчу кеманашна аьлла.
ШолгIа де ду Оьрсийчоьно ша шен агIор хадабо Iамеркахошца стигаларчу кхерамзаллах бина барт, аьлла.
