ТIекхочийла долу линкаш

ЦIеххьана кхаьчна хаам!

Ленинаулехь гIоьртина лаьттина хьал дIадирзина


Нохчийчоьнан Iедалан аьтто баьлла Дагестанерчу Лелинаулехь иккхина дов маьрша дIадерзо. Маршо Радион корреспонденто бинчу хаамца, карарчу хенахь Казбекан (Аухан) кIоштахь Нохчийчоьнан а, Дагестанан а дозанца йолу КПП (таллам а беш чекхволуьйту пункт) болх беш ю могIарерчу рожехь.

Нохчашна а, суьйлешна а юкъахь Дагестанерчу Ленинаулехь иккхина дов нийсонца дIадерзаде аьлла, цига баханчу нохчашка сатухуш хиларе деха ваханера Нохчийчуьрчу парламентан спикер Даудов Мохьмад ("Лорд").

Мангал-беттан 25-чу дийнахь Дагестанерчу Ленинаулехь, дуккха а наха дакъалоцуш буй-тIарий а еш, дов иккхинера нохчийн а, суьйлийн а кегийрхойн. Цу хиламо эргIада бахийтина бу дуккха а нах, цунах доккха зулам хила мега аьлла.

Нохчийчоьнан къаьмнийн политикехула а, арахьарчу уьйрашкахула а, зорбанан а, информацин а министран когаметта волчу Гудаев Лемина хетарехь, Аухан проблема дIаерзор дахделла. Амма экстремизм лелоро а, къаьмнашна юкъахь дов марсадаккха гIертаро а проблема дIайоккхур яц аьлла хета цунна.

XS
SM
MD
LG