Трамп Путина саммитерчу цхьаьнакхетарехь шена боьгIначу гура чу нисвелла, яздина Обама Барак президент волчу заманахь Пачхьалкхан департаментан векал лаьттинчу Псаки Джена CNN-н сайтехь.
Путин дика кечамбина веанера саммите, цунна хаьа шена презентация ян а, гураш богIа а, яздо Псакис.
Оьрсийчоьно Трампца дендолчу къамелан Iалашонаш билгалъяьхнера кхаа тезисца: Штаташца «юкъаметтигаш тоян», «Iамеркан политиках кхета», терроризмо шина а агIонна бохьу «кхерам» бийцаребан, билгалдоккху Псакис. Къамелан оцу кхаа а тIегIанахь Москох тоьлла, хиндолу къамелан векторш Путина къастийра, ткъа Трамп цуьнан лорах вахара, яздо политико.
Цундела къамел а ца дина Украинерчу ситуацех лаьцна. Кремл Штаташкарчу хармашна юкъагIертар хьахош, Трампна тоам хилла Путина динчу дацарех, боху Псакис.
Путинан прес-секретаро Песковс, къамел динчу шина президентах мила туьйлира, аьлла, хаттар хIоттор «абсурд ю, тоьлла, хетарехь, ший а агIо», аьлла.
