Адамийн бакъонаш Оьрсийчоьнан президентан цIарх тергалъян векалйинчу Москалькова Татьянас хаамбина, шега кхо бутт хьалха кхечира Нохчийчохь нах байарх йолу информаци«Новая Газетера», ша хIеттахь иза Талламан комитете а, Путине а дIа а кхачийра, аьлла.
Москальковас бахарехь, Iедал толлуш ду хьал. Цо бахарехь, «Новая Газето» йовзийтичу цIершлахь ши стаг ву махкахь ваьхна а воцу. «Таллам, бан тарлучул меллаша беш бу», аьлла Москальковас.
"Новая газето" ша кIирандийнахь араяьккхинчу артиклехь йовзуьйту Нохчийчоьнан Iедало кхел а йоцуш вийна лоручу 27 стеган цIе. Уьш къайлах дIабоьхкинчу бусалба а, кестанийн а кешнашкахь, чIагIдо газето.
