Iамеркан Цхьаьнатоьхначу Штатийн президентан администрацино шен Iедалан структурашна пайдаэца магочу электронан продукцин могIарара яьхна «Касперскин Лабораторино» арахоьцу программаш, хаамбо Reuters агенталло.
Сацамбинчу урхаллан векало бахарехь, «леррина теллинчул тIаьхьа» арахецна и бехкам.
Iамеркан прессехь тIаьххьарчу беттанашкахь дуккхаза а хазийра «Касперскин Лаборатори» Оьрсийчуьрчу къайлахчу сервисашна болхбеш ю боху шеко.
Амма Associated Press агенталлана дукха хан йоццуш интервью луш кибертехнологийн фирмин директоро Касперский Евгенийс, шеконаш дIаяхархьама, ша кийча ву элира шаьш арахоьцучу программийн орамийн код Iамеркан Iедална йовзийта.
