Зазадоккху-беттан 28-чу дийнахь дуьйна Евробертаца виза йоцучу рожах пайда эцна 55 эзар Гуьржийчоьнан вахархочо. Цунах лаьцна хаам бина цу мехкан чоьхьарчу гIуллакхийн министран когаметто Хуцишвили Шалвас.
Цо дийцарехь, карарчу хенахь цу нахах шен хеннахь Гуьржийчу цIа ца вирзина 3000 гергга стаг. Гуьржийн Iедалхочун хетарехь, виза йоцуш дуьххьара Евробертана юкъайогIучу пачхьалкхашка баханчу цу 3000 нахах цхьаболчара сацам бина хила мега Европехь биса.
