Iамеркан Цхьанатоьхначу Штатийн президенто Трамп Доналда Оьрсийчоьнна дуьхьал санкцеш йоху низамна куьйгяздина. Bloomberg агенталло бина и хаам. ПIераскан дийнахь Iамеркан Сенат а тIетайна Оьрсийчоьнна дуьхьал санкцеш чIагIъечу низаман проектна.
Документо доза туху мехкадаьттан-газан проекташна хьажочу инвестицешна а, иштта тIедуьту Вашингтоно кибертIелатарш дарна а, адамийн бакъонаш хьешарна а, коррупци лелорна а бехкебечу цхьаболчу Оьрсийчоьнан бахархошна пачхьалкхе бахкар дехкар а.
Оцу низамо Трампан бакъонаш а йоьхку. Конгрессан пурба доцуш президентан йиш хир яц санкцеш юхаяха.
