Москох велла Къилбаседа Кавказан гIуллакхашкахула волчу Оьрсийчоьнан министран когаметта Резников Андрей. Цу министраллан зорбан сервисо бинчу хаамца, 48 шо долу Резников велла еххачу хенахь цамгарца меттахь Iиллина.
Министран когаметтан дарже хIоттийнера иза 2014-чу шарахь Товбеца-баттахь. Цо Iуналла деш дара Къилбаседа Кавказан федералан го социалан а, экономикан а кхиарехула долу хаттарш: инвестицеш лахар, ладаме инвестицийн проекташна Iуналла дар, жима а, юккъера а барам болу бизнес кхиийтар.
