Iамеркан Пачхьалкхан Департаментан Украинехь волу леррина векал Волкер Курт цхьаьнакхетар ву Оьрсийчоьнан президентан гIоьнча волчу Сурков Владиславца. Цунах лаьцна яздо «Известия» газето, дипломатин хьасташна тIе а тевжаш.
Оьрсийчоьнан президентан администрацина гергарчу хьастано дийцина газете, Москох хир долчу цу цхьаьнакхетарехь коьрта тема хир ю Украинин малхбалехь хIоьттина хьал дIадерзош Минскехь бина барт кхочуш бар аьлла.
Волкер Iамеркан Украинехь волу леррина векал хIоттийна Товбеца-бутт болалуш. Оцу беттан 23-чу дийнахь иза хилира Донецкан кIоштахь, ша аьлча Украинин Iедалша урхалла дечу Авдеевкехь.
I
