Шемарчу Iедалан эскаро «Исламан пачхьалкх» шех олучу тобанера схьаяьккхина ХIомс кIоштара Ас-Сухне гIала, хаам баржийна РИА-Новости агенталло шоьтадийнахь шен хьасташна тIе а тевжаш.
Цо бахарехь, Ас-Сухне ДАIИШ-о шегахь латточу тIаьххьарчу меттигех цхьаъ яра.
Агенталлан хьостано чIагIдо, массех де дара Iедалан ницкъаша и гIала гоне лаьцна, бохуш. Карарчу хенахь Ас-Сухне минанех цIанъеш ду эскарш, боху РИА-Новости агенталло.
