Нускал далочу заманчохь кегийрхоша некъан низамаш ца лардар бахьана долуш хуьлу зуламаш совцон Iалашонца масех урхалашна юкъахь тоба кхоллар тIедожийна ГIалгIайчоьнан куьйгалхочо Евкуров Юнус-Бека. Харцонца машен лелор шен къам сийсаздар санна лору Инстаграмерчу шен агIонтIехь Евкуровс.
"Некъашкахь лелочу харцонна бIаьргаш хьулбийр бац Iедало. Нускал хьовзочу хенахь цаларарца машенаш хехкар къоман башхаллица догIуш хетар вайн къомана эхье ду", - яздина ГIалгIайчоьнан куьйгалхочо.
