Беларусин коьртачу гIалахь Минскехь милицино сацийна Нохчийчуьра яхархо Дудуркаева Луиза. Транспортан милицехь йоьIе хьоьжуш хилла цуьнан да, яздо "Новая газето".
22 шо долу Дудуркаева лоьхуш яра Оьрсийчохь Мангал-баттахь дуьйна. Масийтта Оьрсийчуьрча интернетан зорбанан гIирсаша яздина иза, Шема а яхана, ДАIИШ-ан тобанах дIакхета дагахь ю аьлла.
Марсхьокху-беттан 3-чу дийнахь Шереметьево аэропортехь полисхоша сацийнера Дудуркаева, цуьнан Устрада-гIаларчу гергарчара иза лоьхуш ю аьлла.
Марсхьокху-беттан 31-чу дийнахь Норвегино еллера цунна Шенгенан виза. Амма Гезгмашин-беттан 4-чу дийнахь Минскехь иза сацийна Беларусин милцоша. Оццу дийнахь Дудуркаеван дас шеца дайигина иза.
