«Исламан пачхьалкх» олучу тобанан Iемалоша Оьрсийчуьра ши эскархо вийна Шемахь. Цунах лаьцна хаам бина Интерфаксо, тIеман министраллан хьастана тIе а тевжаш.
Вийна волу шиъ хилла контрактаца Шема тIаме вахана. Оьрсийчоьнан тIеман министралло дийцарехь, Оьрсийчуьра тIеман коврана минанаш кхуьссу тоьпаш йиттина тIемалоша Дейр-эз-Зор провинцехь.
2017 шо доладелчхьана Шемахь вийна лаххара а 40 Оьрсийчуьра эпсар а, салти а.
