Нохчийчуьра Лаккхарчу Кхелехь дIадирзина кхаарийндийнахь дуьйна луьстуш хилла яздархочун-историкан Ибрагимов Ризванан дов. Кхело ца хуьйцуш битина цул хьалха Соьлж-ГIалан Октябран кIоштарачу кхело бина сацам. Цуьна а догIуш, Ибарагимовна кхайкхийнера 2 шо ах шо арахь даккха.
Ибрагимов Ризван бехке вина нохчийн исторех язйинчу книгашкахь цо кхечу къаьмнашка цабезам кхуллуш бу аьлла.
Оьрсийчоьнан Лаккхарчу Кхеле а, цигахь гIуллакх ца хилахь Европерчу адамийн бакъонашкахула кхеле а вала дагахь ву Ибрагимов.
