Киевехь гIалин юккъехь эккхийтина Шайх Мансуран цIарахчу батальонан тIемало Махаури Тимуран (Дабуев Iела) машен. Иза вевзаш вара Папацкория Руслан санна а, хаам бо Украинерчу зорбанан гIирсаша.
Махаурин машен ерриг а йохийна. Цу чохь хилла зуда дIакхачийна дарбанан хIусаме. Цхьаболчу хаамашца, машен чохь хилла 6 шо долу кIант.
Махаури вевзаш вара криминалан гонашкахь. Кавказ.Реалиино дийцарехь, 2012-чу шарахь иза лаьцнера Туркойчохь "Кавказ Имаратан" векал Атаев Муса вуьйш дакъалаьцна хила мега аьлла. Амма 3 шо даьлча Махаури дIахийцира Истанбулан кхелан сацамца.
Цул тIаьхьа иза ваха хиинера Украинехь. Цигахь а иза лаьцнера Махаури, бакъо а йоцуш герз лелорна.