Оьрсийчоьнан инарлан прокуратуро бехкматакхам гIуллакх кечдина «Кхарачойн джамаIат» олучу тобанера ши стаг Оьрсийчоьнан эскархой байарна бехке веш, хаам бо stavropolye.tv сайто.
И шиъ хилла нохчийн гIарваьлла тIеман командиран Басаев Шемилан тобан юкъахь, боху прокурораш. ЦIера цIераш йохуш яц.
Талламхоша дийцарехь, 1999-чу шарахь и ши стаг юкъахь волчу тIеман тобано вийна 15 оьрсийн эскархо, 28-нна чевнаш а еш.
Бехктакхаман гIуллакх дIахьажийна Нохчийчуьрчу Лаккхарчу Кхеле.
