Бахархоша ягийначу тоьках декхарш лехьош рейдаш йолийна Нохчийчохь Iедалхоша. «Кавказан узел» агенталле латкъамаш бина, даккхий декхарш тIехьарчийнарш тоьках дIахадош хиларх.
Карара шо доладелчхьана, коммуналан ял дIа ца луш, даккхий декхарш тIехьерчийначу 90 стеган хIусамашкара бахам Iедалан дола баьккхина пурстоьпаша, декхарна дуьхьал. Ши эзар вахархочунна дихкина Оьрсийчуьра аравалар.
