Кремле кхайкхина Дагестанан куьйгалхо Абдулатипов Рамазан, цуьнан метта дарже хIотто къасточу кандидатех дийцаредан. РБК агенталло яздо цунах лаьцна, шайн хьасташна тIе а тевжаш.
"ТIаьххаьлц куьйгаллехь виса лаам бара Абдулатиповн. Иза ша а цецваьллера. Цуьнга хаьттина, хьан метта ханна декхарш кхочушдан хIотто бакъахьа мила ву аьлла", - дийцина агенталле куьйгалхочун гонерчу хьосташа.
Кхаарийдийнахь Дагестанан куьйгалхочо «шен лаамехь» дарж дуьту ша аьлла, кехат чуделла аьлла, дийцина РБК-н журанлисташка кхечу хьостано.
Хьалхо куьйгалхочун пресс-гIуллакххоша бакъ ца бинера и хаам.
