Каталони Испенехь дIакъастарна дуьхьал рогIера акци хилла Барселонехь кIирандийнахь. Урамашка арабевллера эзарнаш нах. Митинган декъашхоша кхайкхамаш бора каталонхошка, шайн махкана юкъахь биса бохуш.
Испанин премьер-министро Мариано Рахойс хьалхо дIахьедар дира, Каталонех йозуш йоцу пачхьалкх хуьлуьйтур яц ша аьлла. Цо дийцаррехь, Испанин Iедалша цу регионера автономи дIа а яьккхина, дIасахоьцур ду Каталонин Iедал. Цу тайпа Iалашонан кхочуш ян бакъо ло Испанин конституцино бохуш вара премьер-министр.
