ТIекхочийла долу линкаш

ЦIеххьана кхаьчна хаам!

Компенсацино байинарш, белларш юхабалор бац


Russia -- devastated centre of Grozny January 4, 1995.

Нохчийчоьнах хьакхалуш болу рогIера сацам тIеэцна Европерчу адамийн бакъонашкахула йолчу кхело.

please wait

No media source currently available

0:00 0:02:34 0:00
Линкана тIе

Оьрсийчоь юха а бехке лерина, 2000-чу шарахь Алды эвлахь эскархоша а, милцоша а дIаяхьначу леринчу операцехь бехк боцуш нах байар а, нехан хIусамаш ягор а, талла а ца толлуш, бехкенаш жоьпе уозийна бац аьлла.

Оцу бахьанца зен хиллачу 20 чуьра нах байинчарна а, лазийначарна а 300 эзар ца кхоччуш евро гIуда такхар тIедожийна Оьрсийчоьнна.

ХIара кхозлогIа сацам бу Европерчу кхело Алдыхь хиллачу бохаман хьокъехь беш болу.

Кхиъ дуккха а сацамаш бахь а, шайна байина нах цIа а берзош, бехкечарна таIзар дийр ду аьлла ца хета шена боху, цуьнах йистхуьлуш Алды-эвлара яхархочо Ханиева Яхита.

Ханиева: "ГIийла мисканаш бу байинарш. Сан марваша а, шича а вийра. ХIун сацам хуьлу иза? Миллион делла хIокху стагна. Цуьнах 100 эзар сом адвокатна делла. Мел долу хIума дагийна, тIе танкаш а хоьхкуш, доллу хIума хIаллакх дича, хIун сацам хуьлу цуьнах? Цхьана а кепара Iедал болх беш дац. Иштта Iаш ду-кх тхо".

Алдыхь хиллачу бохаман хьокъехь Европерачу адамийн бакъонашкахула кхело 5 гIуллакхах сацам бинера. ХIетахь нахана моьттура, баккъала а нийсо йийр ю аьлла. Амма Iедалан цIарах оцу юьрта чу а бахана, бехк боцуш адамаш дайина а, дагийнарш цхьа а жоьпе озийна вац элира «Мемориалан» юриста Гандаров Iийсас.

Иза ву дуьххьара и 5 гIуллакх Европан кхеле хьажийнарг.

Гандаров: "2007-чу шарахь Европерчу кхело дуьххьара сацам бинера 5 гIуллакхах. Нахана чIогIа хазахеттера. Моьттура, зулам динарш жоьпе озор бу аьлла. Амма нахана ахча а делла, кхин хIума ца дира. Церан сатийсам бу цхьа дикачу агIор сацам хир бу аьлла. 3-гIа сацам ма бу хIара".

Алды йоцург а, кхи а иттанашкахь ю ярташ, федералан эскарийн карах маьрша нах байина. Ткъа, жоьпе озийнарш бу цхьана куьйга тIера пIелгашца багарбаллал.

Мила тоьлур ву аьлла хета шуна Мейвезер Флойд Нурмагомедов Хьабибах латахь?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG